Arrestohen pesë punonjës të Agjensisë së Zonave të Mbrojtura në Korçë, nën akuzën për shpërdorim detyre.
Këta persona dyshohet se kanë lejuar prerjen e paligjshme të pyjeve, duke shkaktuar dëmtime të rënda të kësaj zone.
Një punonjës i gjashtë po ndiqet penalisht në gjendje të lirë. Policia ka nisur procedimin penal edhe të katër personave të tjerë, të cilët akuzohen për prerjen e paligjshme të pyjëve.
DETAJET E POLICISË
Finalizohet operacioni policor i koduar “Prespa”.
Operacioni nga DVP- Korçë, në bashkëpunim me Prokurorinë, pas një hetimi 1 mujor.
Procedohen dhe arrestohen 10 persona për veprat penale “Shpërdorimi i detyrës” dhe “Prerja e paligjshme e pyjeve”.
Në pranga 5 punonjës të Agjensisë së Zonave të Mbrojtura në Qarkun Korçë dhe 1 prej tyre ndiqet në gjendje të lirë.
Procedohen edhe 4 shtetas të tjerë, të cilët u kapën duke prerë në mënyrë të paligjshme pyjet, në zonën e mbrojtur.
Specialistët e Seksionit për Krimin Ekonomik-Financiar në DVP Korçë, në bashkëpunim me Prokurorinë e Rrethit Gjyqësor Korçë dhe Njësinë Operacionale të Rendit Publik, pas një hetimi 1 mujor dhe në kuadër të procedimit penal nr.1086, me qëllim goditjen e veprimtarisë të paligjshme të prerjes së pyjeve, finalizuan me sukses operacionin policor të koduar “Prespa”, si rezultat i të cilit u bë arrestimi në flagrancë i shtetasve:
- O.D, 38 vjeç, banues në Korçë (me detyrë përgjegjës monitorimi pranë Agjensisë së Zonave të Mbrojtura në Qarkun Korçë)
- V.M, 58 vjeç, banues në fshatin Gollomboç, Liqenas (me detyrë përgjegjës menaxhimi pranë AZM)
- E.L, 48 vjeç, banues në Korçë (me detyrë roje pranë AZM)
- A.V, 43 vjeç, banues në Goricë të Madhe, (me detyrë roje pranë AZM)
- V.J, 65 vjeç, banues në Goricë të Madhe, (me detyrë roje pranë AZM)
- Filloi procedimi penal në gjendje të lirë ndaj shtetasit E.A, 34 vjeç, banues në Korçë, (me detyrë roje pranë AZM).
Gjashtë shtetasit e lartpërmendur, në bashkëpunim me njëri- tjetrin, dyshohet se kanë shpërdoruar detyrën, duke mos zbatuar procedurat ligjore të kontrollit për zonën e mbrojtur të Parkut Kombëtar të Prespës, ku në ngastrat 51 e 52 të së cilës, kanë lejuar prerjen e paligjshme të pyjeve, duke shkaktuar dëmtime të rënda të kësaj zone.
Gjithashtu në lidhje me këtë ngjarje, filloi procedimi penal në gjendje të lirë edhe ndaj 4 shtetasve, M.S; D.B; J.N dhe D.S, të cilët u kapën në flagrancë duke prerë lëndë drusore pa leje, në zonën e mësipërme.
Në cilësinë e provës materiale u sekuestruan 50 m sterë dru, 4 mjete, si edhe 5 copë motorsharra.
Materialet në ngarkim të tyre i kaluan Prokurorisë pranë Gjykatës së Shkallës së Parë Ko
