Vendosni fjalën kyçe....

Jep dorëheqjen sekretari për Sigurinë Kombëtare, Trump: Do të kalojë më shumë kohë me familjen


Presidenti i SHBA-së Donald Trump ka njoftuar se Sekretari për Sigurinë Kombëtare, Kevin McAleenan është dorëhequr vetëm gjashtë muaj pasi u emërua në krye të këtij departamenti.

Trump tha se McAleenan kishte bërë një punë të mirë dhe shtoi se për sekretarin e ri do të bënte një njoftim javën e ardhshme, shkruan CNBC.

Ai shtoi se ka patur “shumë kandidatë të mrekullueshëm”.

“Kevin McAleenan ka bërë një punë të jashtëzakonshme si Ushtrues i Detyrës së Sekretarit të Sigurisë së Brendshme. Ne kemi punuar mirë së bashku me Kufijtë. Kevin tani, pas shumë vitesh në Qeveri, dëshiron të kalojë më shumë kohë me familjen e tij dhe të kalojë në sektorin privat”– postoi Trump.

McAleenan mori përsipër detyrën si Sekretar i Departamentit të Sigurisë së Brendshme pasi Trump kërkoi dorëheqjen e Kirstjen Nielsen në fillim të këtij viti. Para kësaj, McAleenan kishte shërbyer si komisioner i Doganave dhe Mbrojtjes së Kufijve.


Leave a Reply

Your email address will not be published. Required fields are marked *