Vendosni fjalën kyçe....

Federer kalon më tej në Shanghai masters, Murray dështon përballë italianit Fognini


Fabio Fognini eliminoi Andy Murray-n që në turin e dytë të Mastersit të Shangait, duke mbajtur të gjalla shpresat për një vend mes tetë tenistëve më të mirëve që do të marrin pjesë në turneun përmbyllës të sezonit ATP World Tour Finals, që do të zhvillohet në mesin e muajit të ardhshëm në Londër.

32-vjeçari italian fitoi një ndeshje shumë të egër, ku të dy tenistët u shfaqën nervozë dhe tepër gjaknxehtë. Ishte ndeshja më e gjatë nga 14 sfidat e ditës së martë, një duel që zgjati plot 3h 11′, por që i jep pikë të rëndësishme numrit 12 të botës, për të përmirësuar akoma më shumë renditjen e tij, në klasifikimin e përgjitshëm ATP.

2 herë kampioni i Shangait Roger Federer vuajti disi në setin e dytë, për të eliminuar tenistin spanjoll Albert Ramos Vinolas, që përpara këtij takimi ishte në barazim 1-1 sa i përket bilancit me 38-vjeçarin nga Baseli. Numri 3 i botës nuk i dha asnjë mundësi për break numrit 46 të klasifikimit ATP, por sidoqoftë veterani helvet përmbysi disavantazhin 4-1 në “tie break”-un e setit të dytë, për të fituar gjithë takimin me rezultatin 6-2, 7-6, në diçka më pak se një orë e gjysmë lojë.


Leave a Reply

Your email address will not be published. Required fields are marked *