Gati 130,000 trupa, 20, 000 copë pajisje, 600 avionë dhe deri në 15 anije luftarake u rrokullisën në tetë fusha stërvitore ruse për stërvitjet Tsentr-2019 (Center-2019).
Stërvitja ushtarake që zgjati nga 16-21 shtator, të cilën presidenti Vladimir Putin i vëzhgoi nga afër të premten me homologun e tij nga ish-republika sovjetike e Kirgistanit, nuk kaluan pa asnjë problem.
Të paktën dy tanke luftarake u shkatërruan në një stërvitje zbarkimi në rajonin Orenburg atë ditë, konfirmoi Ministria e Mbrojtjes pas rrjedhjes në mediat sociale të një videoje që tregonte shkatërrimet e tankeve.
“Të dy mjetet u dëmtuan gjatë përplasje me tokën si rezultat i sistemeve të gabuara të parashutave,” tha ministria në një deklaratë cituar nga agjencia shtetërore e lajmeve TASS.
Ushtria ruse tha që asnjë anëtar i ekuipazhit nuk ishte në bordin e mjeteve luftarake të shkatërruara, por raportimi anonim sugjeronte se të paktën pesë parashutistë ishin shtruar në spital me lëndime në aksidentet BMD-2.
Kanali televiziv Zvezda i financuar nga Ministria e Mbrojtjes përshkroi uljen e së premtes me 1500 parashutistë dhe 200 BMD-2 si “të parën dhe më të madhin në historinë ushtarake ruse”.
