Një tjetër stuhi po kërcënon Bahamasin vetëm dy javë pasi Uragani Dorian shkatërroi një pjesë të ishujve.
NSipas “BBC“, një tjetër stuhi tropikale e quajtur Humberto, aktualisht po lëviz drejt veri-perëndimit drejt ishullit të Madh Abaco, një nga ishujt e goditur më keq nga uragani Dorian.
Rreth 1.300 njerëz janë zhdukur në Bahamas pas uraganit, ndërsa rreth 15,000 të tjerë kanë nevojë për strehim, ushqim dhe kujdes mjekësor.
Humberto pritet të shkaktojë erëra të forta dhe shira të mëdha në ishuj, me disa zona që potencialisht mund të përballen me 15 cm shi dhe me një shpejtësi të erës prej 45 km / orë.
Shërbimi i motit për BBC ka sugjeruar se Humberto mund të forcohet në një tjetër uragan gjatë ditëve të ardhshme, megjithëse kjo nuk ka gjasa të ndodhë pa kaluar njëherë mbi Bahamas.
Zyrtarët kanë paralajmëruar se përmbytjet nga stuhia Humberto mund të pengojë përpjekjet e tyre për të shpëtuar dhe ndihmuar të mbijetuarit e uraganit Dorian.
Uragani Dorian goditi Bahamasin në fillim të këtij muaji, duke vrarë të paktën 50 njerëz. Ndërsa operacioni i shpëtimi vazhdon, numri i të vdekurve pritet të rritet. Ky uragan shënoi erërat më të larta të regjistruara ndonjëherë kur goditi Ishujt Abaco.
