Ish-kryeministri Sali Berisha ka publikuar një denoncim, sipas të cilit presidenti serb Aleksandar Vuçiç po lobon për t’i organizuar kryeministrit Edi Rama një takim me presidentin francez Emmanuel Macron.
“Zografi bis i lutet Vuçiçit ti rregullojë një takim të fshehtë në Beograd me Presidentin e Francës Macron, i cili viziton këto ditë Serbinë.”, shkruan Berisha.
Ne “screenshoot”in e publikuar nga Berisha, të mesazheve të mbërritura në “Whatsapp”-in e tij, thuhet se nëse takimi mes Ramës dhe Macron do mbahet, do të jetë i fshehtë.
Macron pritet të vizitojë Serbinë në datat 15-16 korrik, e para vizitë e tij në shtetin ballkanik pas Samitit në Paris.
