Juliana Memaj në Urën Vajgurore duket se nuk është e vetmja që ka fituar me më shumë vota sesa numri i qytetarëve që kanë votuar.
E njëjta gjë ka ndodhur dhe në Malësinë e Madhe, në Vaun e Dejës, Bulqizë, Vorë, Memaliaj, Divjakë, Lushnjë, Vorë e Himarë.
1- Juliana Memaj
Më herët raportuam se Juliana Memaj ka fituar me gati 2 mijë vota më tepër se sa numri i pjesëmarrësve në votime.
Sipas KQZ-së, Memaj në Urën Vajgurore ka fituar me 7666 vota, mirëpo ditën e djeshme, po KQZ deklaroi se pjesëmarrja e votuesve në Urën Vajgurore ishte 5900.
Kështu pas mbrëmjes, në kutitë e votimit qenkan shtuar 1766 fletë votimi në Urën Vajgorore dhe të gjitha të vlefshme! Se kush i shtoi ato, mbetet për t’u parë.
2- Tonin Marinaj
Në Malësinë e Madhe sipas të dhënave të publikuara nga KQZ, Tonin Marinaj merr mandatin e dytë në Malësinë e Madhe me 7,772 vota, në një kohë kur kundërshtari i tij, Pjerin Spathari numëron vetëm 493 vota.
Mirëpo në të dhënat e publikuara po nga KQZ, tre orë pas mbylljes së procesit të votimit rezulton se në Malësinë e Madhe numri i qytetarëve që kanë dhënë votën e tyre ka qenë 7600.
Domethënë duke llogaritur vetëm votat e marra nga Marinaj i bie 172 vota tepër, shto edhe ato të Spatharit, plot 665 vota tepër janë numëruar në këtë bashki.
3- Mark Babani
Ndërkohë në Vaun e Dejës, KQZ ka shpallur fitues kandidatin e vetëm në garë Mark Ndoc Babanin, i cili ka marrë 6223 vota.
Mirëpo në të dhënat zyrtare të publikuara po dje nga KQZ, rezulton se në këtë bashki kanë votuar gjithsej 5166 zgjedhës. I bie që Babani ka fituar me 1057 vota tepër.
4- Agim Kajmaku
E njëjta situatë paraqitet edhe në Vorë, ku edhe pse kanë marrë pjesë në votime gjithsej 6120 votues, kandidati i vetëm Agim Kajmaku ka fituar me 6208 vota.
5- Gjolek Guci
Në Memaliaj ka ndodhur e njëjta gjë. Kandidati i PS-së, Gjolek Guci ka marrë 4206 vota gjithsej. Por në të dhënat e publikuara nga KQZ, në Vorë kanë votuar gjithsej 4150 votues.
6- Fatos Tushe
Në Lushnjë KQZ zbuloi dje se kanë marrë pjesë në votime gjithsej 27243 votues. Mirëpo Fatos Tushe ka marrë mandatin e tretë në drejtimin e bashkisë, me 28086 vota.
Kandidati i vetëm në garë, Jorgo Goro është rizgjedhur për herë të tretë në Himarë me 4,209 vota. Goro kandidonte nën sigën e koalicionit Aleanca për Shqipërinë Europiane.
Mirëpo sipas KQZ-së, kanë marrë pjesë në votime gjithsej 4162 votues.
8 – Fredi Kokoneshi
Pa asnjë rival përballë, Fredi Kokoneshi, kandidat i Partisë Socialiste ka fituar një tjetër mandat në drejtim të bashkisë së Divjakës me 13513 vota.
Por sipas KQZ-së kanë marrë pjesë në votime gjithsej 13000 votues.
Në Bulqizë kanë marrë pjesë në votime gjithsej 7500 votues sipas KQZ-së, mirëpo sipas të njëjtit institucion Lefter Alla 7529 vota, ndërkohë që ai kishte edhe një rival përballë i cili ka marrë 543 vota. /Hashtag.al
Pjesëmarrja në votime e deklaruar nga KQZ pas orës 19:00:
