Vendosni fjalën kyçe....

Qytetari denoncon patrullën e policisë rrugore të Korçës: Më dhunuan


Një qytetar në Korçë ka denoncuar patrullën e policisë së qarkullimit në Korçë pasi sipas tij ata kanë ushtruar dhunë fizike

Albert Shkëmbi 61-vjeç ka qenë pasagjer në një mjet në momentin që e ka ndaluar patrulla e policisë në rrugën Korçë-Maliq, në afërsi të Libonikut, raporton Top Channel.

Policia ka kërkuar që ai ta shoqërojë, por nuk ka pranuar me pretendimin se ishte pasagjer dhe jo në drejtimin e mjetit.

Në atë moment, sipas Shkëmbit, policët e kanë qëlluar dhe grushte dhe radiot e tyre, duke i thyer krahun.

Tashmë i dëmtuari po trajtohet në repartin e terapisë ditore në spitalin e Korçës.