Kryetarja e Lëvizjes Socialiste për Integrim Monika Kryemadhi në emisionin “Opinion” është shprehur e bindur se në 30 qershor nuk do ketë zgjedhje dhe ka ironizuar se nëse do bëhen do jenë për zgjedhjen e kryetarit të Partisë Socialiste.
“Në momentin që dekreti betohet në fletoren zyrtare, ka fuqi zbatuese. Ky zotëria meqë nuk e njeh dekretin e presidentit, le ta çojë në gjykatën e Tiranës, në gjykatën e Apelit. Nuk e ka bërë se kërkon të krijojë një rrëmujë që të shpëtojë kokën e vet.
Unë si fallxhore që jam, di të them se më 30 qershor mund të bëjë votime për kryetarin e PS-së”- u shpreh Kryemadhi.
“Më 30 qershor janë zgjedhjet për kryetar bashkie”- deklaroi kryetarja e LSI.
“Më 30 qershor Tirana do të votojë për Erion Veliajn”, u shpreh Blendi Fevziu, ndërsa Kryemadhi shtoi: “Atëherë do të zgjedhin Erion Veliajn në krye të PS”.
