Vendosni fjalën kyçe....

Kush është Ragip Hajdini, i arrestuari i 6 për grabitjen në Rinas


Personi i 6 i arrestuar si i dyshuar për grabitjen në Rinas i cili njihet edhe me nofkën “daja” ka qenë me precedentë të mëparshëm.

Ragip Hajdini nga Peja e Kosovës i arrestuar ditën e sotme në zonat përreth Kavajës është i njohur për drejtësinë.

Arrestimi i tij erdhi pas dëshmisë së dëshmitarit të drejtësisë, Alkond Bengasi, që tha se “daja” nga Kosova ishte një person tullac, të cilin e kishte takuar disa herë me Admir Muratajn.

Ragip Hajdini rezulton me precedentë të ngjashëm penalë edhe në Kosovë, aty ku ka qenë i dyshuar për grabitjen e 25 kg ar nga Dhoma e Dëshmive në Policinë e Pejës, bashkë me 5 persona të tjerë.

Deri më tani janë arrestuar Alkond Bengasi, Renaldo Sula, Oltian Veseli, Saimir Çela, Elton Pikli dhe Ragip Hajdini.


Leave a Reply

Your email address will not be published. Required fields are marked *