Pas tensioneve te Bregu i Lumit, ish-deputeti i Partisë Demokratike, Klevis Balliu, denoncon dhunën e ushtruar nga policia ndaj banorëve.
Sipas Balliut, një gruaje i kanë thyer këmbët ndërsa një burrë është çarë në kokë. Balliu e ka quajtur barbari dhe kafsheri sjelljen e policisë.
“BARBËRI DHE KAFSHËRI PUSHTUESI
Edvin Rama po kryen akte barbare ndaj banorëve të Bulevardit të Ri.
Po vret qytetarët brenda shtëpive të tyre. Gaz lotsjellës brenda në shtëpitë e qytetarëve, duke kërcënuar seriozisht jetën e banorëve.
Dhunë barbare prej pushtuesi. Disa qytetarë janë shoqëruar në Komisariatin 4 dhe janë dhunuar barbarisht. Një gruaje të shoqërur në rajon i kanë thyer këmbën dhe një tjetër burri i kanë çarë kokën.
Akte prej banditësh ndaj qytetarëve të këtij vendi.”, shkruan Balliu.
Pak më herët është shembur edhe shtëpia e parë te zona e Bregut të Lumit, ndërsa vijon puna për shembjen e banesës së dytë.
