Presidenti i SHBA-ve, Donald Trump, i ka përcaktuar “Trupat e Gardës Islamike Revolucionare të Iranit” si një “organizatë terroriste”, duke akuzuar forcën elitare si financuese dhe promovuese të terrorizmit në rajon.
“Ky hap i pashembullt, i udhëhequr nga Departamenti i Shtetit, njeh realitetin se Irani nuk është vetëm një sponsor shtetëror i terrorizmit, por që IRGC merr pjesë aktive, financon dhe promovon terrorizmin si një mjet i mjeteve shtetërore”, thuhet në deklaratën zyrtare të së hënës.
Njësia e elitës është “mjeti primar” për Teheranin në orkestrimin e “fushatës së tij terroriste”, pohoi presidenti amerikan.
Ndërsa vendimi është përfolur prej disa kohë, javën e kaluar raportet e medias amerikane treguan se marrja e kësaj mase ishte e afërt.
Ky informacion ka shkaktuar një reagim të ashpër në Teheran, ku zyrtarët e lartë iranianë u zotuan të vënë të gjithë ushtrinë amerikane në “listën e terroristëve” në shenjë hakmarrjeje.
Duke folur pak pas njoftimit të Trump, sekretari amerikan i shtetit, Mike Pompeo, mbajti një konferencë shtypi mbi këtë çështje, duke shpjeguar se vendimi do të hyjë në fuqi brenda një jave.
