Një studente ekselente ka denoncuar heqjen e saj nga lista e përfituesve për bursë për faktin e vetëm se mori pjesë në protestën e studentëve.
Ajo foli në takimin që kreu i PD-së, Basha, zhvilloi me studentët në universitetin Politeknik.
“Jam Ambra Nazarko, studente e fakultetit të drejtësisë, Universiteti i Tiranës, viti i dytë bachelor. Kam qenë studente protestuese, studente e ngujuar në Fakultetin e Drejtësisë, studente ekselente, ku me VKM-në e parë të zotit kryeministër, dola në listat e përfitimit të bursës së ekselencës. Ditën e hënë ne kemi mbyllur ngujimin dhe ditën e dytë dalin listat e tjera dhe emri im nuk figuronte më. Kam kërkuar një vertetim studenti nga fakulteti, ka një muaj dhe akoma nuk ka dalë ai vertetimi çuditërisht.”, tha Nazarko.
