Kryebashkiaku Erion Veliaj mbrëmjen e sotme ka thënë një gënjeshtër duke deklaruar se nuk ka ndonjë lidhje me ish-prokurorin Petrit Fusha dhe se e ka takuar vetëm një herë.
“Nuk kam asnjë lidhje. E kam takuar njëherë në celebrimin e djalit. Sot në landfillin e Sharrës nuk punon asnjë djalë nën 18-vjeç dhe këtë ua siguroj”- deklaroi Veliaj.
Por një foto e shpërndarë në 2016 tregon ndryshe pasi ai është takuar më shumë se një herë me të duke qënë se është fotografuar në një tavlinë me Fushën.
“Kur e kam takuar nuk ka qënë prokuror i çështjes. Ngjarja e Arditit ndodhi jashtë landfillit të Sharrës”-shtoi Veliaj.
Kush është Petrit Fusha:
Petrit Fusha ka drejtuar për pesë vite radhazi Prokurorinë e Tiranës, katër vite si drejtues i Prokurorisë së Tiranës dhe një vit si zëvendëdrejtues.
Gjatë kohës që drejtonte Prokurorinë e Tiranës, në këtë institucion ka pasur 4 procedime penale ndaj kryebashkiakut të Tiranës, Erion Veliaj.
Fusha dhe Veliaj janë fotografuar teksa takoheshin në një lokal të Tiranës, gjatë kohës kur kryebashkiaku ishte nën hetim për vdekjen e Ardit Gjoklajt në landfillin e Sharrës.
Veliaj po hetohej gjatë kohës që Fusha drejtonte prokurorinë e Tiranës edhe për falsifikim të gjobës që i vuri Partisë Demokratike për protestën e 8 dhjetorit 2015.
Hetimet kanë provuar se shkrimi në gjobë nuk është i oficerit që kishte firmosur gjobën. Kjo gjobë tashmë është rrëzuar edhe në Gjykatën Administrative.
Prokuroria e Tiranës po e hetonte Veliajn asokohe edhe për ndërtimin te Parku i Liqenit. Ai u padit penalisht për shpërdorim detyre.
Një tjetër kallëzim ndaj Veliajt u bë për protestën e zhvilluar para Gjykatës Administrative. Veliaj dërgoi para dyerve të gjykatës militantë e punonjës të bashkisë për të t’i kërkuar gjykatës që të mos lejonte ndërtimet e një kompleksi pallatesh pranë digës së liqenit Artificial.
