Tre persona janë arrestuar ditën e sotme në Shkodër pasi dyshohen si autorë të një vjedhje të ndodhur dy ditë më parë.
Sipas policisë, në pranga kanë rënë 30-vjeçari me inicialet B.F, 29-vjeçari me inicialet F.S, dhe 58-vjeçari dhe me inicialet M.Q. Tre personat e arrestuar dyshohet se kanë vjedhur me thyerje shtëpinë e një 60-vjeçari, banues në lagjen “Vasil Shanto”.
Vijojnë hetimet për këtë grup pasi dyshohet se kanë kryer edhe vjedhje të tjera banesash në qytetin e Shkodrës.
Materialet iu referuan Prokurorisë së Rrethit Gjyqësor Shkodër për veprën penale “Vjedhja e kryer në bashkëpunim”.
Njoftimi i plotë:
Shkodër
Arrestohen 3 shtetas si autorë të dyshuar për vjedhje kryer në bashkëpunim.
Nga strukturat e Komisariatit të Policisë Shkodër, në bashkëpunim me Prokurorinë e Rrethit Gjyqësor Shkodër, pas një pune operative hetimore intensive, u bë ndalimi i shtetasve ; B.F., 30 vjeç, F. S, 29 vjeç, dhe M.Q, 58 vjeç, të tre banues në Shkodër.
Ndalimi i tyre u bë pasi në bashkëpunim me njëri-tjetrin më datë 02.03.2019, dyshohet se kanë vjedhur me thyerje banesën e një 60 vjeçari, banues ne lagjen “Vasil Shanto”, ku janë vjedhur një sasi të konsiderueshme lekësh dhe disa bizhuteri floriri.
Vijojnë hetimet për këtë grup pasi dyshohet se kanë kryer edhe vjedhje të tjera banesash në qytetin e Shkodrës.
Materialet iu referuan Prokurorisë së Rrethit Gjyqësor Shkodër për veprën penale “Vjedhja e kryer në bashkëpunim”.
