Mëngjesin e sotëm është përfshirë nga flakët një siperfaqe e konsiderueshme me shkurre e kallamishte në Orikum të Vlorës.
Nga zjarri rrezikohen edhe disa banesa dhe lokale që ndodhen aty pranë, pasi flakët po përhapen me shpejtësi. Kjo edhe për shkak të erës që ka përfshirë bregdetin.
Shërbimet e zjarrfikëses janë njoftuar për t’i ardhur në ndihmë banorëve për të shuar flakët, por ata s’kanë mbërritur akoma. Më poshtë është një video e publikuar nga “Ora News” nga vendngjarja.
