Në pjesën lindore dhe qendrore të SHBA-së vijojnë të jenë nën pushtetin e akullit me temperatura që shkojnë deri në minus 30 gradë celsius.
Kjo ka shkaktuar probleme të mëdha në jetën e përditshme të zonave të prekura. Shumë çerdhe, kopsht e shkolla janë mbyllur ndërsa qendrat sociale janë të tejmbushura.
Deri tani kanë humbur jetën 21 persona, ndërsa autoritetet druhen se numri mund të rritet në ditët në vijim.
Transporti rrugor në shumë zona është pezulluar dhe qindra fluturime janë bllokuar. Më poshtë mund të shihni një galeri fotosh që tregon për atë që po ndodh në SHBA.
