Presidenti ukrainas Petro Poroshenko ka thënë se ai do të propozojë shpalljen e ligjit ushtarak pas një përplasjeje në Detin e Zi ku anijet ruse u vunë në ndjekje të anijeve ukrainase për shkelje të ujërave territoriale ruse.
Të dielën, tre anije ukrainase po lundronin midis dy porteve të Ukrainës: nga Odesa në Detin e Zi deri në Mariupol në Detin Azov.
E vetmja rrugë ujore që lidh këto është ngushtica e Kerçit midis Krimesë dhe Rusisë kontinentale. Kievi thotë se njoftoi Moskën më parë se anijet e saj të marinës do të lundronin nëpër zonë. Moska mohon se iu është dhënë paralajmërim i duhur.
Rusia dhe Ukraina kanë liri të lundrimit në ngushticën Kerç sipas një traktati të vitit 2003, ka rregulla të detajuara teknike mbi mënyrën se si anijet duhet të kalojnë përmes rrugës ujore të ngushtë dhe komplekse.
Meqenëse i gjithë trafiku në zonë është i kontrolluar nga porti i Kerçes në detin Krimese, çdo anije duhet të kontaktojë portin, të raportojë rrugën dhe destinacionin e saj dhe të marrë leje për të lundruar nëpër Ngushticën.
Anijet ruse hapën zjarr për të ndalur tre anijet e Ukrainës pasi sipas tyre ato injoruan “kërkesat ligjore për të ndaluar” dhe kryen “manovra të rrezikshme”, tha Shërbimi i Sigurisë Ruse (FSB). Anijet u konfiskuan pastaj u tërhoqën në portin Krimesë të Kerçit.
