Vendosni fjalën kyçe....

Shqipërinë s’e mbajnë këmbët ndaj Skocisë, bie një Ligë më poshtë


Shqipëria është shpartalluar nga Skocia në ndeshjen e fundit në grup për sa i përket grupit A në Ligën C të Kombeve.

Edhe pse kombëtares së drejtuar nga trajneri Panuçi i duhej fitorja, skocezët janë treguar shumë superiorë duke mos e vënë në dyshim për asnjë çast fitoren.

Pas golit të parë me anë të Fraser, në minutën e 14-të, skocezët kanë gjetur të dytin në minutat shtesë të pjesës së parë me anë të Fletcher i cili nuk gaboi nga pika e bardhë e 11-metërshit.

Mbrojtësi shqiptar, Mavraj, u ndëshkua me karton të kuq në fund të pjesës së parë dhe 45 minutat e dyta kombëtarja i luajti me një lojtar më pak.

Pjesa e dytë nuk kishte shumë histori me skocezët dominues që shënuan edhe 2 gola të tjerë me anë të Forrest.

Pas këtij rezultati Skocia ngjitet në vendin e parë me 6 pikë po aq sa edhe Izraeli të cilin e pret pas 3 ditësh në shtëpi ku i mjafton barazimi për t’u ngjitur në Ligën B. Ndërkohë Shqipëria zbret një shkallë më poshtë në Ligën D.


Leave a Reply

Your email address will not be published. Required fields are marked *