Vendosni fjalën kyçe....

“Footboll Leaks 2” Der Spiegel: UEFA ka fshehur dopimin e një futbollisti të famshëm


Pas skandaleve me Manchester City-in dhe Paris Saint Germain del një tjetër skandal nga zbulimet që ka bërë së fundmi “Football Leaks”. Gazeta e njohur “Der Spiegel” ka tronditur botën e futbollit duke nxjerrë publike disa nga dokumentet sekrete të platformës investigative “Football Leaks”.

“Der Spiegel” pritet të nxjerrë emrin e një futbollisti të njohur, i cili ka fituar disa herë trofeun e Champions League. Lojtari në fjalë ka rezultuar pozitiv pas një testi dopingu, por ndërhyrja e zyrtarëve të lartë të klubit të tij ka bërë që UEFA të bëjë një sy qorr.

UEFA është krenuar shpesh mbi faktin që aplikon një politikë me “tolerancë zero” ndaj dopingut, por nëse ky rast do të jetë i mbështetur në prova konkrete, atëherë kredibiliteti i këtij institucioni do të marrë një goditje dërrmuese.