Mbrëmjen e sotme RENEA dhe FNSH kanë blinduar sërish qytetin e Shijakut.
Të mbështetur nga Grupi i Posaçëm Operacional dhe policia e Durrësit, Forcat Speciale po kryejnë një tjetër kontroll në banesa dhe lokale për ekzekutimin e urdhër-arresteve të Gjykatës së Durrësit, për persona të skeduar në narko-trafik.
Gjithashtu, kontrollet kanë vazhduar dhe në banesat e shtetasve të arrestuar ditën e djeshme, Flamur Avdyli i njohur si “bosi i Shijakut”, si dhe dy vëllezërve të tij, Jasen dhe Saimir Avdyli.
Një ditë më parë ra në prangat e policisë Flamur Avdyli, i njohur si “bosi i Shijakut”. Avdyli u arrestua nga forcat RENEA bashkë me dy persona të tjerë, njëri me inicialet H.H, me akuzën e trafikut ndërkombëtar të lëndëve narkotike. Avdyli më pas u lirua nga policia.
