Kryeministri i vendit Edi Rama është shprehur së fundmi se shpifjet, sharjet dhe hiletë po u tregtohen përditë shqiptarëve nga humbësit politikë dhe kazanët mediatikë.
“Imagjinoni për një moment sikur fëmijëve t’u mësonim se shpifjet, sharjet, hiletë e gënjeshtrat, janë mjete jo vetëm të lejueshme, po edhe të nevojshme për të mundur një kundërshtar! Sot këto mjete po u tregtohen përditë shqiptarëve nga humbësit politikë dhe kazanët mediatikë”, shprehet Rama në Twitter.
Kryeministri Edi Rama shprehet kështu pasi mbrëmjen e djeshme Albert Veliu u ka qëndruar deklarimeve të bëra gjatë gjithë kohës lidhur me çëshjen e audiopërgjimit ndaj Agron Xhafajt, vëllait të ministrit të Brendshëm, Fatmir Xhafaj.
Një nga akuzat më të rënda ndaj qeverisë Rama. Në intervistën e dhënë mbrëmjen e djeshme në emisionin “Open” në Top Channel, Veliu, tha se zëri në audiopërgjim është i Agron Xhafajt ndërsa i sfidon autoritetet duke thënë se është i gatshëm të ballafaqojë zërin e tij, zërin e Agron Xhafajt dhe të Fredi Alizotit, i cili pretendon se ka luajtur rolin e Xhafajt në audiopërgjim.
