Forcat Ajrore të Izraelit kanë goditur një objekt të prodhimit të motorëve për raketa tokë-tokë të Gardës Revolucionare iraniane në zonën e Shahroudit, rreth 2,000 kilometra larg territorit izraelit. Lajmi është bërë i ditur nga zëdhënësi i Ushtrisë izraelite (IDF), i cili tha se sulmi është kryer mbi bazën e inteligjencës së siguruar nga Divizioni i Inteligjencës, përcjell YNetNews.
Sipas deklaratës, janë shënjestruar “mikserë planetarë dhe makineri kritike për prodhimin e motorëve të raketave që regjimi iranian ka përdorur kundër Izraelit.”
“Objekti i sulmuar është pjesë e përpjekjeve për të dëmtuar industrinë e prodhimit të raketave tokë-tokë të regjimit iranian, një industri që synon të prodhojë mijëra raketa në vitet e ardhshme,” thuhet më tej në deklaratë.
