Vetëm pak muaj pas grabitjes së bujshme në Louvre, Franca është përballur me një tjetër vjedhje të rëndë.
Këtë herë, shënjestra ishte Muzeu Lalique, ku sipas AFP, një grup personash të maskuar hynë në muzeun në Wingen-sur-Moder, në verilindje të Francës, rreth orës 05:30 me orën lokale.
Ata thyen një derë hyrëse, u drejtuan drejt sallës së bizhuterive dhe shkatërruan gjashtë vitrina ekspozimi.
Rreth 20 bizhuteri u vodhën. Dëmi është ende duke u vlerësuar, por mendohet se arrin në rreth 4 milionë euro.
Sipas hetuesve, bizhuteritë e vjedhura ishin prej kristali dhe nuk përmbanin gurë të çmuar, çka do të thotë se nuk mund të shkrihen për të përfituar materiale të vlefshme.
Muzeu njoftoi se do të qëndrojë i mbyllur për disa ditë pas grabitjes.
Sipas burimeve hetimore, alarmi u aktivizua, por kur kompania e sigurisë përfundoi kontrollet, ishte një punonjëse e pastrimit ajo që mbërriti e para në vendngjarje dhe njoftoi policinë.
