Një burrë nga Alabama u kafshua nga një qen K-9 ndërsa po arrestohej në qytetin e Florence. I riu, i identifikuar si David Culliver, 46 vjeç, nga Sheffield, u përgjigj duke e kafshuar qenin mbrapsht.
Rreth 12 minuta pamje nga kamerat e trupit të lëshuara nga departamenti përshkruajnë ndeshjen midis Culliver dhe policisë që po ndihmonin në ekzekutimin e një urdhërkontrolli.
“Culliver nuk ishte i përfshirë në hetim dhe u fut vetë në situatë,” tha departamenti në një postim në Facebook.
“Ai u bë agresiv, u bërtiti oficerëve dhe i dha gaz makinës në një rrugë me shumë qarkullim trafiku.”
Në pamjet e kamerës së trupit nga “oficeri 1”, Culliver shihet duke ecur drejt oficerëve disa herë, dukshëm i dehur. Asnjë nga oficerët nuk tregoi se Culliver ishte një kërcënim gjatë përplasjes dhe ishte i paarmatosur. Gjatë tentativës për arrestim, Culliver pyet pse po arrestohet dhe mund të shihet duke u përpjekur ndërsa katër oficerë e rrethojnë.
Ndërsa një oficer mban trupin e sipërm të Culliver dhe një tjetër mban këmbët e tij, qeni urdhërohet ta kafshojë atë. Culliver kap këmbën e qenit ndërsa po kafshohet dhe disa oficerë e godasin atë në kokë dhe në trupin e sipërm para se ai ta lëshojë.
“Lëshoma qenin,” thotë oficeri 2.
“Qeni yt më kapi mua,” u përgjigj Culliver.
Në këtë çast, Culliver kafshon qenin dhe goditet edhe disa herë të tjera përpara se të prangoset përfundimisht nga policia.
