Prince Harry i ka bërë një thirrje të drejtpërdrejtë Vladimir Putin që të “ndalojë këtë luftë”, gjatë një vizite të papritur në Kiev, duke lavdëruar Ukrainën që “ende qëndron, ende lufton”.
Duka i Sussex-it, 41 vjeç, po u drejtohej krerëve botërorë dhe zyrtarëve të lartë ushtarakë në Forumin e Sigurisë në Kiev, si pjesë e kësaj vizite të papritur, dhe i bëri thirrje kreut rus që të “zgjedhë një rrugë tjetër”.
Ai tha: “President Putin, asnjë komb nuk përfiton nga humbja e vijueshme e jetëve që po shohim. Ende ekziston një moment…tani…për të ndalur këtë luftë, për të parandaluar vuajtje të mëtejshme për ukrainasit dhe rusët njësoj, dhe për të zgjedhur një rrugë tjetër.”
Ai dënoi “krimet sistematike të luftës” dhe trajtimin “tronditës” të fëmijëve ukrainas.
“Në territoret e pushtuara, ka prova në rritje dhe të dokumentuara për krime sistematike lufte: sulme të qëllimshme ndaj civilëve, vrasje masive, tortura, dhunë seksuale dhe deportim të detyruar të popullsive të tëra,” tha Harry.
