Pamjet rrëqethëse të papara ndonjëherë nga një kamerë kanë zbuluar çastin kur një bashkëshort i dhunuar u përkul në dysheme, ndërsa gruaja e tij e dhunonte dhe kanoste me thikë në dorë brenda shtëpisë gjatë terrorit 20-vjeçar.
Videot e sulmeve të Sheree Spencer ndaj burrit Richard në shtëpinë e tyre me shtatë dhoma gjumi në Bubwith, East Yorkshire, u kapën në kamerat që çifti kishte vendosur për të mbikëqyrur fëmijët.
Videot shpërthyese nga intervistat e policisë tregojnë Sheree duke gënjyer vijimësisht se burri i saj ishte abuzuesi, ndërkohë që pas pamjeve filmike e nxorrën atë zbuluar se në fakt ishte ajo dhunuesja.
Sheree, 45, u burgos për katër vjet në Hull Crown Court në mars të vitit të kaluar nga gjyqtarja Kate Rayfield, e cila i tha asaj: “Ky është rasti më i keq i sjelljes kontrolluese dhe shtrënguese që kam parë”.
Tani, burri Richard Spencer po ndan historinë e tij në hollësi në dokumentarin e Channel 5 “My Wife, My Abuse: The Secret Footage”, që shfaqet të hënën.
Richard Spencer mendoi se përvojat e tij pikëlluese duhet të shihen për të rritur ndërgjegjësimin për llojin e abuzimit që burrat mund të pësojnë në jetën e tyre të përditshme në duart e partnereve të dhunshme.
Kamera e fshehte i dha një rrugëdalje jetësore bashkëshortit të dhunuar pasi ai duroi vite të tëra abuzimi fizik dhe verbal nga gruaja e tij, që e la atë dhunuar në dysheme në pozicionin e fetusit.
Spencer ishte takuar me gruan e tij në një klub nate në vitin 2000 dhe dyshja u martuan në një plazh tajlandez në vitin 2009.
Ata janë prindër të tre vajzave.