India planifikon të vërë në punë një bazë të re detare në ishujt Lakshadweep, jashtë bregut jugperëndimor të vendit, për të rritur sigurinë në rajon, tha të shtunën Ministria e Mbrojtjes.
Marina Indiane do të njoftojë më 6 mars planet për të ndërtuar INS Jatayu në ishullin Minicoy, sipas Reuters.
Minicoy është ishulli më jugor në arkipelagun Lakshadweep, i cili shtrihet në rrugët kryesore tregtare detare midis ngushticës së Malacca dhe gjirit të Adenit dhe Hormuzit.
“Baza do të rrisë shtrirjen operacionale dhe do të lehtësojë përpjekjet operacionale të Marinës Indiane drejt operacioneve kundër piraterisë dhe anti-narkotikëve në Detin Arabik Perëndimor”, thuhet në një deklaratë të marinës.
India tashmë ka një bazë në Lakshadweep, INS Dweeprakshak në Kavaratti.
