Një shkollë dhe spitale ku civilët po përpiqeshin t’i shpëtonin bombardimeve të pamëshirshme izraelite në Rripin verior të Gazës, në fakt është bërë burim sulmesh.
Në të njëjtën kohë, ditën e djeshme, autoritetet izraelite reduktuan numrin e viktimave të sulmit të befasishëm në territorin izraelit të kryer nga lëvizja islamike palestineze më 7 tetor, në rreth 1200 të vdekur.
Si hakmarrje për këtë sulm, Izraeli nisi një luftë për të “shkatërruar” Hamasin, i cili është në pushtet në Rripin e Gazës që nga viti 2007 dhe po godet pamëshirshëm enklavën e vogël palestineze, e cila është zhytur në një situatë katastrofike humanitare.
Hamasi tha se të paktën 13 njerëz u vranë në një sulm në kompleksin spitalor Shifa në qytetin e Gazës, ku sistemi shëndetësor është në kolaps, sipas Organizatës Botërore të Shëndetësisë.
“Të gjitha spitalet në qytetin e Gazës ishin në shënjestër” nga ushtria izraelite, tha mjeku për AFP.
Ushtria izraelite, e cila nuk dha asnjë koment tha se një njësi ushtarake kishte filluar një operacion në shkallë të gjerë shumë pranë spitalit.
Drejtori i Përgjithshëm i OBSH-së, duke iu drejtuar Këshillit të Sigurimit të OKB-së, tha se gjysma e 36 spitaleve në enklavën palestineze tani nuk funksionojnë deh se “më shumë se 250 sulme” janë regjistruar në sektorin shëndetësor në Rripin e Gazës dhe Bregun Perëndimor që nga shpërthimi i luftës.