Ish-kryeministri Sali Berisha ka akuzuar, në televizionin grek SKAI, Edi Ramën për çështjen Beleri.
Berisha pretendon se aktakuza kundër kryetarit të zgjedhur të Himarës është e sajuar dhe se dëshmitarit mbi të cilin ishte bazuar prokuroria për tentativë blerje votash, është paguar 7 mijë euro për shërbimet e tij.
E kuptova që ishte një provokim i vjetër policor ndaj tij. Më vonë gjeta prova të qarta se oficerë të lartë të policisë dhe një informator ishin të përfshirë”.
“Ka një fond sekret për ata që kryejnë “misione speciale”. Ky provokator ka marrë para nga ky fond në kundërshtim me ligjin, një tarifë prej 7000 eurosh”.
Berisha shprehet se ka prova se shuma që i është dhënë dëshmitarit kryesor të akuzës ndaj Fredi Beleri është paguar nga fondet sekrete të policisë shqiptare.
“Më është dhënë (informacioni) në mënyrë shumë konfidenciale, por duke qenë se fondet janë përdorur në mënyrë të paligjshme dhe të papranueshme, shpall publikisht në Shqipëri dhe kudo se ky është një veprim shumë i trishtuar dhe i paligjshëm”.
Berisha këmbëngul se dëshmia dhe video kundër Belerit janë të pavlefshme, pasi denoncuesi kryesor është paguar, ndërsa ka sulmuar edhe kreun e policisë.
“Ai i kërkoi provokatorit të organizonte planin. Nuk mund ta toleroja këtë praktikë”.
GS: Pse vendosët ta bëni këtë zbulim të veçantë tani?
“Informacioni i saktë për shpërblimin e tij më ka mbërritur vetëm dy ditë para se ta zbuloja atë”.
Berisha e quan Belerin të burgosur politik dhe e lidh ndjekjen e tij me dëshirën e kryeministrit Edi Rama për të kontrolluar investimet në Himarë.
