Drejtori i AMP-së, Ardi Veliu ka dhënë dorëheqjen dhe se nuk do të jetë më drejtues i tyre.
Ende nuk dihen shkaqet që e kanë detyruar ish-kryepolicin për të dhënë dorëheqje nga detyra.
Për largimin e tij nga ky post nuk ka asnjë njoftim zyrtar as nga vetë Veliu dhe as nga AMP apo Ministria.
Kujtojmë që Ardi Veliu u emërua drejtor i Përgjithshëm i Policisë së Shtetit në 5 shkurt të vitit 2018 dhe drejtor i AMP-së në shtator të 2022.
I propozuar nga ministri i Brendshëmm, Fatmir Xhafaj, emri i Veliut u firmos në postin e Drejtorit të Përgjithshëm të Policisë së Shtetit.
Më parë Ardi Veliu mbante postin e drejtorit të Policisë Tiranë.
Para vendosjes së Veliut, ky post mbeti vakant pas shkarkimit në fillim të muajit janar të vitit 2018 të Haki Çakos nga detyra e Drejtorit të Përgjithshëm i Policisë së Shtetit. Pas një periudhe prej më pak se 3 vjetësh në krye të uniformave blu, drejtuesi madhor Haki Çako u lirua nga detyra nga Këshilli i Ministrave me propozim të ministrit të Brendshëm, Fatmir Xhafaj.
KARRIERA PROFESIONALE
Komandant i “Postës së Policisë”, Memaliaj, Tepelenë (1998-1999)
Shefi i Policisë së Rendit, Vlorë (1993-2002)
Shefi i sektorit të “Policisë me Uniformë”, Drejtoria e Policisë, Vlorë (2002-2004)
Shefi i sektorit të Rendit, Drejtoria e Policisë, Vlorë (2004-2006)
Shefi i komisariatit të Policisë, Durrës (2013-2014)
Zëvendësdrejtor për Sigurinë, Drejtoria e Policisë, Tiranë (2014-2015)
Drejtor i Kolegjit të Policisë (2015 -2016)
Drejtor i Policisë Rrugore në Drejtorinë e Policisë së Shtetit (2016 –2017)
Nga data 28.04.2017 Drejtor i Drejtorisë Vendore të Policisë Tiranë.
