Pemët frutore, misri dhe rreth një e pesta e prodhimit të pambukut në Greqi janë shkatërruar dhe mbi 200,000 kafshë dhe shpendë janë vrarë.
Një nga zonat më të goditura është fusha e Thesalisë, në Greqinë qendrore.
Ekspertët vlerësojnë se kjo mund t’i kushtojë ekonomisë greke deri në pesë miliardë, raporton BBC.
Në zonën e Thesalisë, përmbytjet shkatërruan të mbjella të tëra dhe një numër i madh bagëtish u mbytën. Thesalia është një nga rajonet kryesore bujqësore të vendit dhe ka frikë për ndikimin në prodhimin e ushqimit.
Kryeministri i Greqisë, Kyriakos Mitsotakis, kishte premtuar ndihmë të shpejtë për viktimat e përmbytjeve. Duke folur menjëherë pas katastrofës, ai tha se Greqia kishte “aftësitë financiare dhe mekanizmin për ndihmë të shpejtë”, në mënyrë që njerëzit të mund të “rifillonin jetën e tyre, të riparonin shtëpitë e tyre… dhe të operonin përsëri bizneset e tyre.”
