Libani tha se forcat e tij të sigurisë kishin arrestuar një person të dyshuar të armatosur që mund të jetë përfshirë në sulmin me armë zjarri javën e kaluar ndaj ambasadës së SHBA. Në një deklaratë, Drejtoria e Forcave të Sigurisë së Brendshme (ISF) tha se një 26-vjeçar u arrestua në periferinë jugore të Bierutit, Al-Kafa’at.
I dyshuari pranoi se kishte hapur zjarr ndaj kompleksit të ambasadës. Deklarata thoshte se motivet e sulmit me armë zjarri nuk ishin ende të qarta. Më tej thuhej se arma e përdorur në sulm ishte gjithashtu e kapur. Nuk u raportuan të lënduar në sulmin që ndodhi të mërkurën vonë në periferinë veriore të Bejrutit, Awkar.
Sulmi me armë zjarri përkoi me 39 vjetorin e një bombardimi me makinë jashtë kompleksit të ambasadës amerikane në Bejrut në vitin 1984, i cili vrau 11 persona dhe plagosi dhjetëra të tjerë. Uashingtoni kishte fajësuar grupin libanez ‘Hezbollah’ për sulmin.
