Komisioni Evropian propozoi të martën zgjatjen e mëtejshme të mbrojtjes së përkohshme që blloku evropian ka ofruar për popullin ukrainas që ikin nga sulmet e Rusisë edhe për një vit.
Bashkimi Evropian aktivizoi Direktivën e Mbrojtjes së Përkohshme më 4 mars 2022 brenda pak ditësh pas pushtimit të Ukrainës nga Rusia.
Ai u zgjat me një vit me një vendim unanim nga shtetet anëtare. Mbrojtja e përkohshme skadon më 3 mars 2024.
Propozimi, nëse miratohet nga Këshilli Evropian, do të zgjasë mbrojtjen e përkohshme deri më 3 mars 2025. Kjo do të sigurojë siguri dhe mbështetje për më shumë se 4 milionë ukrainas që tashmë jetojnë në vende të ndryshme anembanë BE-së.
“Komisioni konsideron se arsyet për mbrojtjen e përkohshme vazhdojnë dhe se mbrojtja e përkohshme duhet të zgjatet si një përgjigje e nevojshme dhe e përshtatshme ndaj situatës aktuale, të paqëndrueshme, e cila nuk është ende e favorshme për kthimin e sigurt dhe të qëndrueshëm të atyre që gëzojnë mbrojtje të përkohshme në BE”, thuhet në një deklaratë të Komisionit Evropian.
