Qindra aktivistë të klimës iu bashkuan marshimeve në Londër si pjesë e një vale globale veprimi që kërkon heqjen e shpejtë të karburanteve fosile.
Demonstratat e kësaj fundjave janë pjesë e një lëvizjeje më të gjerë globale, me mbi 400 protesta kundër karburanteve fosile të planifikuara të zhvillohen nga Cape Toën në Tokio, Karaçi në Nju Jork.
Protestat bëhen teksa Samiti i Kombeve të Bashkuara për Ambiciet Klimatike, i caktuar për në 20 shtator, do shohë Sekretarin e Përgjithshëm të OKB-së Antonio Guterres t’u bëjë thirrje kombeve që të ndërpresin miratimin e prodhimit të ri të naftës dhe gazit.
Faqja e internetit Fight Fossil Fuels, e cila u kushtohet këtyre protestave, ka lëshuar një deklaratë duke e quajtur këtë mobilizim “historik”, duke theksuar rolin e tij në rinovimin dhe forcimin e përpjekjeve të koordinuara globalisht që synojnë t’i japin fund epokës së karburanteve fosile.
Qeveria e Mbretërisë së Bashkuar ka dhënë së fundmi qindra licenca të reja në Detin eVeriut dhe ka shprehur mbështetje për zhvillimin e fushës masive të naftës Rosebank në brigjet skoceze.
Mbi 40 demonstrata janë planifikuar të zhvillohen këtë fundjavë në qytetet kryesore, duke përfshirë Londrën, Edinburgun, Mançesterin dhe Plymouthin.
