Një pallat në Rrugën e Kavajës, pranë ish-Parkut të Autobusave është përfshirë nga flakët pasi në një ballkon të ndërtesës ka nisur një zjarr.
Flakët janë përhapur fillimisht në pjesën e sipërme të pallatit, duke bërë që gjithë ndërtesa të pushtohet nga tymi. Ndërkohë zjarrëfikësit prej 2 orësh vijojnë të shuajnë flakët që kanë përfshirë pallatin dhjetëkatësh.
Rreth orës 14:20 minuta flakët ranë fillimisht në ballkonin e katit të fundit të pallatit por më pas u përhap me shpejtësi në katet e poshtme të pallatit.
Disa zjarrfikëse vijojnë të luftojnë me flakët. Në katin e gjashtë dhe shtatë ka vatra aktive ndërsa në katet e tjera flakët janë shuar.
Zjarrfikësit po përpiqen të shmangin flakët të përhapen dhe në dy pallate ngjitur me pallatin e zi.
Pjesë të fasadës bien nga pallati i cili është vënë në funksion 2 vjet më parë.
Policia ka evakuar banorët, gjithashtu është vendosur dhe një perimetër sigurie. Ndërkohë dy ambulanca kanë mbërritur në vendngjarje.
Ende nuk dihen shkaqet e zjarrit. Fatmirësisht nuk raportohet për persona të lënduar, por vetëm për dëme materiale.
