150 vullnetarë bëhen bashkë, dy mijë goma të nxjerra gjatë pastrimit të lumit
Mijëra goma janë tërhequr nga një prej lumenjve kryesorë të Uellsit jugor si pjesë e një operacioni pastrimi.
Shëtitësi i qenve Alun, shprehet se ishte ngopur duke parë sasi të mëdha mbeturinash në lumin Ogmore gjatë baticës, kështu që ai kaloi katër vjet duke organizuar një operacion pastrimi me shumë agjenci, duke përfshirë dy gërmues dhe rreth 150 vullnetarë.
Vullnetarët ndihmuan për të nxjerrë nga lumi karrocat e blerjeve, mobiljet e vjetra dhe rreth 2000 goma.
Në baticë, ai shihte patat të ulura në karrocat e blerjeve dhe goma në shtratin e lumit.
“Është e mahnitshme për mjedisinë. Është thjesht fantastike të shohësh se çfarë po del nga lumi dhe sa po hiqet,” tha ai.
“Por me të gjithë që mblidhen së bashku për ta bërë këtë është përtej asaj që kisha besuar, nuk mund t’i falënderoj të gjithë sa duhet.”
Në mesin e vullnetarëve ishte Gerry Cross, i cili u mbulua nga koka te këmbët në baltë falë përpjekjeve të tij.
