Kreu i Rithemelimit të PD-së ka komentuar lëvizjet në kupolën e PS-së.
Në një deklaratë për mediat ai tha se çështja e inceneratorëve po djeg me flakët e saj mashorancën mafioze të kryeministrit Rama.
Sipas Berishës, largimi i Damian Gjiknurit si Sekretar i Përgjithshëm i PS-së është bërë për t’u arratisur njësoj si Arben Ahmetaj, i shpallur në kërkim.
“Asambleja e mafies më të rrezikshme u mbyll siç edhe filloi, nën flakët e djegësave. Mund të thuhet se nga ky zhvillim 50 minutësh, është se djegësat po përcëllojnë me flakët e tyre ndonëse nuk janë ndërtuar, mazhorancën mafioze të Edi Ramës. Mafia shtetërore më e rrezikshme në Europë u mblodh me dyer të mbyllura, pasi vendi është në flakë , pasi prokuroria speciale në një dosje 310 faqe, ka tronditur si një tërmet 8 ballë, mafien më të rrezikshme të Europës. Ka sjellë edhe njëherë në skenë për publikun shqiptar dhe ndërkombëtar, vjedhjen e shekullit dhe të gjithë organi-gramën e piramidës së vjedhjes së shekullit, me në krye Edi Ramën. Ajo dosje që rëndon, mund të quhet dosja Ahmeti. Në çdo fjalë, kuptim apo nënkuptim ajo është dosja Rama, Agaçi, Veliaj dosja Damiani që u flak sot si Arben Ahmetaj, natyrisht me këshillën për t’u arratisur”, tha Berisha.
