Ish-ministri i drejtësisë Ylli Manjani ka reaguar ndaj deklaratave që ish-ministri i mjedisit Lefter Koka ka bërë gjatë seancës gjyqësore për inceneratorët.
Manjani kërkon që deklaratat e tij të hetohen nga drejtësia sepse sipas tij Koka ka thënë mënyrën si funksionon drejtësia.
Ish-ministri i Drejtësisë thotë se deklarata e hatashme e Kokës ishte se drejtësia u motivua për të hetuar inceneratorët nga mbi hakëmarrje partish dhe lojërash politike.
Sipas Manjanit media duhet të zbardhë ato që Lefter Koka ka thënë në seancën gjyqësore.
Postimi i plotë:
Lefter Koka ka folur dje dhe jo pak. Ka thënë gjëra ulëritëse për mënyrën se si funksionon drejtësia penale sot.
Ka thënë se prokuroria nuk ka dashur e madje me qëllim është larguar nga zbulimi i të vërtetës.
Uau!
Si ka mundësi që askush në sistemin e drejtësisë nuk ka interes mbi këtë që thotë Lefter Koka, një ministër i këtij shteti në fund të fundit?!
Që nga hetimi i inceneratorëve publiku nuk mësoi asgjë, kjo është evidente. Por përse gjykata e toleron këtë proces?!
Përse nuk urdhërohet gjetja e të vërtetës por noterohet hetimi dhe kërkesat e pahetuara mirë nga Prokuroria?!
Lefter Koka ka thënë shumë gjera të tjera, por më e hatashmja ishte akuza që i ka bërë drejtësisë që në këtë rast është e shtyrë e motivuar tërësisht mbi hakmarrje partish dhe lojrash politike. Më saktë ai la sqaruar se akuza penale është thjesht akuzat politike që i janë bërë vetëm nga mllefi dhe inati politik.
Uau!
S’ka ku bëhet më e rëndë!
Ka kërkuar vetëm një provë të vetme që të lidhë sjelljen e tij e të vartësve të Tij me pasojën kriminale që pretendohet që ka ardhur. Në 120 000 fletë që u ndodhkan në dosje nuk qenka asnjë provë që të provojë asnjërën prej akuzave ndaj tij.
Po kjo është kulmi!
Lefter Koka ka thënë shumë gjëra të tjera dje dhe shpresoj që media vetëm ti zbardhë për publikun sepse është në interesin e tij më të mirë të kuptojë se çfarë ndodh në drejtësinë e sotme. Çfarë lojërash luan partia dhe pushteti me drejtësinë për t’u hedhë hi syve publikut.
Unë e besoj atë që thotë Lefter Koka!
Unë besoj edhe atë që thonë avokatët e Mirel Mërtirit dhe Stela Gugalles.
Qëllimi i reformës ishte përmirësimi i klimës së biznesit dhe jo burgosja e tij familjarisht pa iu dhënë mundësia as edhe njëherë të vetme të japin shpjegime për rolin e tyre! Po akuzojnë burrë e grua pse ka bërë biznes!? Pse kanë kryer një punë në interes të publikut dhe që vetë shteti ua dha ta bënin.
Kulmi!
Çfarë po i thonë biznesit këta që hajdeni e punoni këtu se do u fusim në burg?!
Oj të bukur mesazh që po japin!
Dëgjojeni edhe anën tjetër të medaljes o njerëz! Dëgjojeni se ky shtet ka kohë që nuk ka të drejtë!
Dëgjojeni e mbani vesh mirë se do trokasë së shpejti në derën tuaj.
