Gazetari Artan Hoxha ka shpjeguar kronologjinë se si pas takimit intimin me kryetarin e Bashkisë Kukës vajza në video kërkon marrjen e tenderit me marrëveshje për strehimin e qenve të braktisur.
Në video me zë dhe figurë, vajza i kërkon Gjicit tenderin dhe ai më pas thërret nënkryetarin për ta lidhur me të dhe vijuar me procedurat.
Postimi i Artan Hoxhës:
Vetëm 13 minuta për të rrëzuar një “pashallëk”
Kisha dëgjuar kryeministrin, të fliste për efekshmërinë, shpejtësinë dhe rendimentin e lartë të administratës së tij, por nuk e kisha besuar.
Si ka thënë Sali Berisha, “Mendimi evolon”.
Kur thotë Berisha(që mbetet gjithnjë i pandryshueshëm) imagjino ne, vdekatarët e thjeshtë…
Tashmë jam i bindur me zë dhe figure, se “Padishau” ynë, ka të drejtë.
Administrata në Kukës, duket flakë fare,
“shpejtësi skëterrë,
efikasitet maksimal,
rendiment apsolut”…
Shikojeni në fotot e mëposhteme kronologjinë e plotë, se si një qytetare krejt e paverifikuar, kush është dhe çfarë përfaqëson, brenda 13 minutash,
hyn në bashkinë e Kukësit,
“përdhunon” kryetarin ne zyren e vet,
rregullon aferën për projektin e kastrimit dhe sterilizimit të qenëve të rrugës, plotëson dokumentacionin në zyrën e nënkryetarit, dhe ikën në hallin e vet….
Foto 1)- 15:59:30
fillon “procedura” në zyren e kryebashkiakut.
Foto 2)- 16:03:44
Mbaron me sukses “procedura”.
Foto 3)- 16:04:28,
Nis biseda për projektin e qenve..
Foto 4)- 16:06:47,
Mbyllet biseda për projektin e qenve rrugaçe, thirret në zyrën e kryetarit, nënkryetari Granit Gjana, për të ndjekur hapat ligjore për projektin e qenve.
Foto 5)-16:11:08,
Vajza shkon në zyrën e nënkryetarit të bashkisë Granit Gjana dhe merr udhëzimet për dokumentet që duhen për projektin.
Foto 6)-16:11:18,
Vajza mbaron me nënkryetarin, dorëzon letrat dhe vendos kontaktin direkt me të.
Foto 7)-16:11:42,
Vajza del nga bashkia Kukës pasi ka mbyllur praktikisht një projekt që do financohet nga banorët e Kukësit.
Foto 8)-16:13:04,
Vajza ndez makinën dhe para se të niset, dëgjohet një e lehur qeni, të cilin e ka në sediljen e parë të makinës…
Foto 9)- Dielli do të lind serish, jeta vazhdon.
