Ish-zëvendëspresidenti Mike Pence paraqiti dokumentet të hënën duke deklaruar fushatën e tij për president në vitin 2024, duke i hapur sfidë ish-shefit të tij, Donald Trump.
Pence, zëvendëspresidenti i 48-të i vendit, do të lajmërojë zyrtarisht ofertën e tij për nominimin e republikanëve me një video dhe ceremoninë e njoftimin në Des Moines, Iowa, të mërkurën, që është ditëlindja e tij e 64-të. Ai zyrtarizoi kandidaturën e tij të hënën në Komisionin Federal të Zgjedhjeve, përcjell APN.
Ndërsa Trump aktualisht po udhëheq luftën e hershme për nominimin, me guvernatorin e Floridës, Ron DeSantis, i cili qëndron vazhdimisht në vendin e dytë, mbështetësit e Pence shohin një korsi për një konservator të besueshëm që përkrah shumë nga politikat e administratës së mëparshme, por pa trazira të vazhdueshme.
Ndërsa ai shpesh lavdëron arritjet e “administratës Trump-Pence”, një emërim i Pence në shumë mënyra do të ishte një kthim në pozicione të lidhura prej kohësh me establishmentin republikan, por të braktisur pasi Trump riformormatoi partinë sipas imazhit të tij. Pence ka dalë kundër valës populiste në rritje në parti dhe këshilltarët e shohin atë si të vetmin konservator tradicional të stilit Regan në garë.
