Në një magazinë në Geislingen, një grup kriminal shqiptar mësohet se kultivonte kanabisit. Dy shtetas shqiptarë janë arrestuar nga policia gjermane.
Policia goditi plantacionin e kanabisit dhe arrestoi dy shtetasit 31 dhe 41-vjeçar të dyshuar si kontrolluesit e objektit ku kultivohej kanabisi. Media gjermane raporton se ata janë pjesë e një grupi kriminal shqiptar.
Plantacioni me gjithsej 1800 bimë u zbulua të mërkurën në një ndërtesë magazinimi. Gjatë kontrollit, dy personat u gjetën aty.. Sipas policisë, dhomat e përdorura për këtë ishin të pajisura me sistem ajrimi dhe ndriçimi si dhe pompa ujitje.
