Një kompani të brendshmesh që shet të brendshme me çmime të larta për femra po shfaq një mashkull biologjik të veshur me sytjena dhe mbathje në fushatën e saj të fundit reklamuese.
Kompania luksoze ‘Honey Birdette’ tregoi një model mashkull në setin e saj të ri të të brendshmeve me tre pjesë ‘Ruby’ në fillim të kësaj jave, shkruan NY Post.
Në një postim në llogarinë e kompanisë në Instagram, modeli mashkull Jake DuPree pozon me sytjena të kuqe, brekë dhe çorape të ngjashme pranë një mbishkrimi që lexon pjesërisht: “Ne do të vazhdojmë të përdorim zërin tonë për të mbështetur dhe fuqizuar komunitetin LGBTQ+, femrat dhe kushdo që dëshiron të ndihet i mrekullueshëm me të brendshmet tona.”
Ai përfshin një paralajmërim për ata që nuk e miratojnë një burrë që vesh të brendshme femrash: “Ndërsa diskutimet e menduara dhe konstruktive janë të rëndësishme për të çuar përpara kulturën, gjuha e urrejtjes dhe ngacmimi nuk do tolerohen në kanalet tona. Komentet e kësaj natyre negative do të fshihen.”
Por kjo nuk e pengoi një valë kritikësh dhe ish-klientësh që të shpërthejnë ndaj kompanisë në faqen e saj në Instagram.
DuPree e përshkruan veten si një ‘interpretues ndërkombëtar burlesk’ jo-binar.
Fushata e diskutueshme reklamuese e kompanisë vjen pas vendimit të fundit të ‘Nike’ për të paraqitur gruan trans Dylan Mulvaney si modele në një reklamë për sytjena sportive.
‘Honey Birdette’, që u themelua në Australi në vitin 2006, ka 60 dyqane në vend, në Mbretërinë e Bashkuar dhe në SHBA, dhe shet veshje të brendshme të nivelit të lartë.
Kompania dikur e tregtonte veten si ‘një markë e të brendshmeve luksoze e krijuar nga gratë për gratë’, por pas polemikave rreth fushatës së saj të re këtë javë, ajo tani përdor etiketën: “Një kompani e të brendshmeve luksoze për të gjithë!”
