Izraeli thotë se avionët e tij luftarakë kanë goditur një kompleks ushtarak sirian, sisteme radari dhe pika artilerie “në përgjigje të raketave të lëshuara nga Siria“.
Forcat e Mbrojtjes së Izraelit (IDF) thanë se kishin filluar të godasin objektivat në territorin sirian pasi tre raketa u lëshuan drejt Izraelit nga Siria të shtunën në mbrëmje me orën lokale, njëra prej të cilave ra në lartësitë jugore të Golanit, sipas CNN.
“Pak kohë më parë, avionët luftarakë të IDF-së goditën objektiva shtesë në territorin sirian, duke përfshirë një kompleks ushtarak të Divizionit të Katërt të Forcave të Armatosura Siriane, sisteme të radarëve ushtarakë dhe poste artilerie të përdorura nga Forcat e Armatosura Siriane”, tha IDF në një deklaratë. herët të dielën me orën lokale.
Sulmet nga avionët luftarakë pasuan sulmet e mëparshme të IDF-së në territorin sirian duke përdorur një UAV (avion pa pilot ose dron), i cili synonte lëshuesit që mendohej se kishin lëshuar raketat.
IDF tha se “e sheh shtetin e Sirisë përgjegjës për të gjitha aktivitetet që ndodhin brenda territorit të saj dhe nuk do të lejojë asnjë përpjekje për të shkelur sovranitetin izraelit”.
