Një 52-vjeçar është arrestuar në Mat pasi i janë kapur një pistoletë dhe dy armë gjahu pa leje.
Në pranga ka përfunduar A.Xh. banues në fshatin Derjan.
Gjatë kontrollit në banesë atij i janë kapur armët e lartpërmendura pa leje.
Njoftimi
“Mat/ Finalizohet operacioni policor i koduar “Derjan”, për goditjen e një rasti të mbajtjes pa leje të armëve të zjarrit.
Operacioni, falë inteligjencës informative si rezultat i të cilit u arrestua në flgrancë 52-vjeçari, si dhe u sekuestrua një armë zjarri pistoletë dhe dy armë gjahu. Shërbimet e Komisariatit të Policisë Mat, bazuar në inteligjencë informative se një shtetas posedonte armë zjarri pa leje, kanë organizuar dhe finalizuar operacionin policor të koduar “Derjan ”, si rezultat i të cilit u arrestua në flagrancë shtetasi:
A.Xh., 52 vjeç, banues në fshatin Derjan, Mat. Shërbimet e Policisë i gjetën të fshehura një armë zjarri pistoletë dhe dy armë gjahu ‘Çifte’, të cilat u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqësor Mat, për veprime të mëtejshme.”
