Dy izraelitë u qëlluan dhe u vranë në Bregun Perëndimor të dielën, tha udhëheqësi lokal i kolonëve Yossi Dagan, duke e quajtur atë “një sulm terrorist jashtëzakonisht të rëndë”, sipas CNN.
Forcat e Mbrojtjes së Izraelit thanë më herët se një “terrorist mbërriti në kryqëzimin Einbus dhe hapi zjarr drejt një automjeti izraelit”.
Dy izraelitë u plagosën dhe u dërguan në spital, tha IDF, duke shtuar se po ndiqte sulmuesin.
Agjencia mjekësore Magen David Adom dhe udhëheqësi i kolonëve Dagan më vonë thanë se të dy kishin vdekur.
Një tjetër udhëheqës vendas i kolonëve tha se ai ishte i pranishëm kur të dy u qëlluan.
“Të shtënat ndodhën menjëherë pas meje. Dukej e tmerrshme – të shtënat ishin nga distanca e afërt”, tha Shai Alon, kreu i këshillit të Beit El, duke shtuar se Izraeli duhet të “shkojë në luftë kundër atyre që dëshirojnë të na dëmtojnë”.
Incidenti ndodhi në Huwara, në jug të Nablusit në Bregun Perëndimor të pushtuar, disa ditë pasi një sulm masiv ushtarak izraelit në Nablus në kërkim të militantëve të kërkuar la të paktën 11 palestinezë të vdekur.
