Vendosni fjalën kyçe....

Ndërron jetë pas abortit në Maternitetin e Elbasanit 34-vjeçarja, procedohen penalisht dy mjekë


 

Një 34-vjeçare ka humbur jetën në Elbasan ditën e djeshme, gjashtë orë pasi kishte kryer një abort në Maternitetin e Elbasanit.

Lidhur me rastin në fjalë prokuroria ka proceduar penalisht dy mjekët e Maternitetit, 56-vjeçarin A.P e 60-vjeçarin B.Gj.

E reja kishte shkuar në spital rreth orës 12:00 të mesditës e sipas njoftimit të policisë, është larguar më pas në banesë. rreeth orës 18:00 ajo ka pasur ndërlikimet shëndetësore e është dërguar me ambulancë në maternitet ku edhe ka ndërruar jetë.

Njoftimi

“Më datë 30.01.2023, rreth orës 12:00, një shtetase 34 vjeçe është paraqitur në ambientet e Maternitetit të Elbasanit, ka kryer një procedurë aborti dhe më pas është larguar në banesë. Rreth orës 18:00 të së njëjtës ditë, dyshohet se për shkak të komplikimeve të gjendjes shëndetësore, kjo shtetase ka njoftuar shërbimet e ambulancës, të cilat e kanë transportuar atë në Maternitetin e Elbasanit, ku kjo shtetase ka humbur jetën. Për këtë rast, oficerët e Policisë Gjyqësore të Prokurorisë pranë Gjykatës së Rrethit Gjyqësor Elbasan kanë iniciuar procedimin penal për shtetasit A. P., 56 vjeç dhe B. Gj., 60 vjeç, mjekë në Maternitetin e Elbasanit, për veprën penale “Neglizhenca në trajtimin mjekësor”. Vijon puna nën drejtimin e Prokurorisë, për zbardhjen dhe dokumentimin e plotë ligjor të këtij rasti.”