Vendosni fjalën kyçe....

Kraja: Meta është në hetim për financimet në parti


Kreu i SPAK, Arben Kraja deklaroi në një intervistë për Euronews Albania se kreu i Partisë së Lirisë, Ilir Meta është në hetim për dosjet që janë dorëzuar për financimet në parti.

Po janë çështje nën hetim, vazhdojnë hetimet edhe për ato. Janë disa çështje që lidhen me financimet e partisë dhe lobimin, nuk mund të them më tepër janë nën hetim. Ne po hetojmë faktet, se kush do të dalë përgjegjës është histori e hetimit”, u shpreh Kraja.

Ai tha më tej se në asnjë moment nuk kanë marrë ndonjë udhëzim nga ndërkombëtarët për ndonjë çështje të caktuar.

Sipas Krajës prokurorët janë të pavarur në vendimmarrje për çështjet që kanë nën hetim.