Deputeti Agron Shehaj komentoi në emisionin ‘Task Force’ në Syri Tv aferën korruptive të Portit të Durrësit. Shehaj tha se Edi Rama ka gënjyer shqiptarët kompaninë duke përdorur emrin e Emaar.
Sipas Agron Shehajt, në kontratën prej 100 faqesh që disponon mungon përfituesi, investitori, ndërsa shtoi se kemi të bëjmë me një kompani që s’ka ekperiencë dhe qeveria do i besojë portin.
Shehaj u shpreh i bindur se nuk ka transparencë për përfituesit pasi përfituesi i vërtetë është Edi Rama.
“Dy elementë, s’kemi të bëjmë me Emaar, Rama ka gënjyer shqiptarët, opinionin publik, përdorim emrin e Emar për të thënë se është investim serioz, dhe jo nje aferë.
Gënjeu për 2 vite rresht që është Emaar. Emaar nuk ka. Kontrata me 100 faqe, mungon elementi më i rëndësishëm, përfituesi.
Kush është investitori? Kemi dy subjekte, një kompani që përdoret për të mbajtur aksione, kompani e para një viti, e sapo krijuar.
Nuk ka aktivitet, as të punësuar, është lloji i kompanisë. Shteti shqiptar do t’i japi Portin e Durrësit. S’ka garë, marrëveshja ska benefite.
Pse Rama do ta mbajë të fshehur investitorin final? Mund ta bëjë vetëm për veten e vet. Kudo ku nuk ka përfitues fundorë që njihen kush janë, ka një aferë.
Kush është kompania flamur? Eagle Hills e krijuar para disa muajsh në Shqipëri apo kompania Nish, e kontrolluar nga një offshore?”-tha Shehaj.
