Rreth 71 milionë njerëz janë përballur me varfërinë për shkak të luftës së vazhdueshme Rusi-Ukrainë, sipas Programit të Zhvillimit të OKB-së (UNDP).
Ndikimi i luftës në çmimet e ushqimeve dhe energjisë pritet të rrisë numrin e të varfërve në botë.
Sipas raportit të UNDP-së mbi efektet e luftës Rusi-Ukrainë, rreth 51 milionë njerëz ranë nën kufirin e varfërisë në tre muajt e parë të luftës që filloi më 24 shkurt.
Rritja e numrit të të varfërve në botë në 9%, ka bërë që të ardhurat ditore të rreth 20 milionë njerëzve të bien nën kufirin e varfërisë prej 3.20 dollarë në vendet me të ardhura të ulëta të mesme.
Ndërkohë, pandemia e COVID-19 bëri që deri në 163 milionë njerëz të bien nën kufirin e varfërisë vitin e kaluar, ndërsa rriti numrin e njerëzve që punojnë për 2,15 dollarë në ditë me 8,1%, që është kufiri i varfërisë ekstreme. Banka Botërore vlerëson se këtë vit kjo shifër do të rritet me 75-95 milionë.
Gjithashtu, inflacioni i ushqimeve pritet të godasë më tej të varfërit, ndërkohë që vlerësohet se dy të tretat e të ardhurave për frymë do të shpenzohen për shpenzimet ushqimore në vendet me të ardhura më të ulëta, ndërkohë që kjo normë pritet të arrijë në një të katërtën e të ardhurave në vendet e zhvilluara.
